Арбр Адеми, излегувајќи пред медиумите по состанокот на ДУИ во Речица, ги соопшти трите точки кои денеска беа дискутирани на состанокот на Централното раководство на партијата, пренесува ТВ21. Првата точка е констатирано дека Европскиот фронт го добил легитимитетот да формира Влада.
„Утврдено е дека легитимитетот му припаѓа на Европскиот фронт и на партиите кои го сочинуваат Европскиот фронт во согласност со Охридскиот договор… Овој легитимитет е добиен од гласачите и не може да се отстапи ниту со политички договор за менување на волјата на граѓаните во соодветните институции кои се одговорни за непречено одвивање на процесот“, рече Адеми.