Поднесени 17 приговори до ДИК – од ВМРО-ДПМНЕ и „Вреди“
Коалицијата „Вреди“ поднесе до сега девет од приговори, а ВМРО – ДПМНЕ осум во врска со постапката за утврдување на изборните резултати информираше Државната изборна комисија.
Оние од „Вреди“ се однесуваат за општините Тетово, Желино, Боговиње, Гостивар и Врапчиште. Од ВМРО-ДПМНЕ се однесуваат на постапката на сумирање на резултатите за парламентарните избори во општините Охрид, Демир Хисар, Крушево, Кичево, Струга, Битола, Долнени и Ресен.
За резултатите од претседателските избори засега не се поднесени приговори.
„До 19 часот заврши рокот за поднесување приговори за постапката за гласање, а се уште течат можностите за поднесување приговори за постапката за сумирање и утврдување на резултатите до 22:30 часот за претседателските избори и до 23:30 часот за парламентарните избори“, изјави портпаролката на ДИК за ТВ Сител.