Двајца небинарни луѓе во финалето на Евровизија: „Имаме многу заеднички работи и се разбираме“
Годинашните евровизиски претставници на Швајцарија и Ирска, Немо и Бамби Таг, се декларираат како небинарни луѓе и ја користат заменката „тие“.
Музичарите проговорија на оваа тема за време на прес-конференцијата по второто полуфинале на Изборот на песна за Евровизија.
„Прекрасно е да се знае дека не сме сами оваа година и дека сме во ова заедно. Имаме толку многу заедничко и се разбираме и можеме да го споделиме своето искуство еден со друг. Ние сме многу благодарни за тоа. Важно е да можеме да им се претставиме на луѓето оваа година бидејќи има толку многу уметници како нас“, вели Немо.
Помага, вели Немо, да се знае дека има квир музичари и тоа им било олеснителна околност во животот.
„Има толку многу квир уметници, луѓето гледаат во нас и се инспирираат. Знаеме колку ни значеле квир иконите во текот на нашите животи. Драго ни е што сме дел од тоа“, заклучи Немо.
Швајцарија настапи во второто полуфинале на Евровизија со песната „The Code“ и се пласираше во финалето, каде ќе настапи со реден број 21. Ирска се појави во првото полуфинале, непосредно пред Бејби Лазања. Тие се натпреваруваат со песната „Doomsday Blue“, а во финалето настапуваат под реден број 10.