Meѓународната асоцијација на професионални фудбалери (ФИФПро) побара од Меѓународната фудбалска федерација (ФИФА) да се разгледа планот за Светското клупско првенство кое ќе се игра во нов формат.

Од следната сезона сите три европски клупски натпреварувања ќе се прошират и во нив ќе учествуваат по 36 екипи, а исто така ФИФА најави промена на форматот на Светското клупско првенство каде што во иднина ќе играат 32 екипи и би требало да се одржи од 15.јуни до 13.јули 2025 година.

ФИФПро и Меѓународната асоцијација на лигите изрази загриженост за сите промени и упати писмо до првиот човек на ФИФА, Џани Инфантино и генералниот секретар Матијас Графсром. Двете асоцијации во писмото наведуваат дека фудбалскиот календар е пренатрупан и националните лиги поради тоа имаат проблем правилно да се организираат.

„Ваквата ситуација ги става националните лиги во ризик и влијае на здравјето на фудбалерите“, стои во дел од соопштението.

Прашањата треба да бидат претставени на Конгресот на ФИФА закажан на 17. мај во Банког.