За време на преносот на второто полуфинале на Евровизија, додека се емитуваа клипови од настапите на финалистите, италијанската телевизија „Раи“ ги објави резултатите од телевоутингот. А, судејќи по видеото кое се шири на социјалните мрежи, Израел доби 12 поени од Италија со дури 39,31 отсто од гласовите, а Холандија доби 10 поени со 7,3 отсто од гласовите.

🇮🇹 Italian broadcaster Rai has accidentally revealed their televoting percentages during tonight’s #Eurovision semi-final.

[🎥 Rai] pic.twitter.com/cykJlZt4Qr

— ESC Discord (@ESCdiscord) May 9, 2024

Синоќа во Малме, Шведска се одржа второто полуфинале на овогодинешната Евровизија каде можност да гласаат имаа 19 земји. Заедно со 16 земји кои настапија и се натпреваруваа за пласман во финалето, има и три земји кои ги претставија своите песни и веќе имаат место во финалето. Станува збор за три членки на земјите од „големата петорка“: Франција, Шпанија и Италија, чии граѓани можеа да гласаат и и тука настана проблемот.

Имено, италијанскиот јавен сервис РАИ по грешка ги објави резултатите од гласањето на гледачите, т.н. телевоутинг, што доведува до можен скандал. Италија ја претставува пејачката Анџелина Манго со песната „La noia“, а веќе е во финалето поради сумата што оваа земја ја издвојува за финансирање на музичко-сценскиот спектакл. Сепак, италијанските граѓани би можеле да гласаат за други земји, а овие податоци вообичаено не се објавуваат.