Девојка (14) од Белгија била силувана од група од речиси 10 малолетни лица во шумата, откако нејзиното момче (14) ја однело таму и ја „позајмило“ на своите пријатели, јавуваат белгиските медиуми.
Малолетничката била малтретирана од група од речиси 10 малолетници најмалку три пати во периодот од 2 до 6 април за време на празникот Велигден, соопштија обвинителите.
Главниот осомничен, 14-годишното момче на жртвата, наводно го однел девојчето во шумската област Кабутербос во Кортријк.
Таму ја нападнал, пред наводно да дозволи други момчиња да ја силуваат, пренесуваат белгиските медиуми. Наводно нападот го снимиле со мобилен телефон, го споделиле меѓу себе и го објавиле на социјалните мрежи.
Обвинителството уапси 10 осомничени на возраст меѓу 11 и 16 години, за кои се вели дека се од имигрантско потекло.
Повикувајќи се на добро информирани извори, белгискиот медиум Nieuwsblad пишува дека момчето намерно им дозволувало на пријателите да ја малтретираат неговата млада партнерка.
Иако наводниот напад се случил на почетокот на април, девојчето не се јавувало неколку дена од страв да не им каже на родителите и полицијата.
Полицијата успеала да ги уапси осомничените дури на 25 април.
Приведени се вкупно 10 момчиња. Шестмина осомничени се сместени во затворена установа, додека на останатите четворица им е одреден домашен притвор.
Оттогаш, тие се испрашувани – сите во исто време и одделно, за да можат истражителите да ги споредат сите изјави.
Повикувајќи се на свои извори, белгиските медиуми пишуваат дека многу од изјавите на момчињата се контрадикторни, а некои осомничени меѓусебно се обвинуваат.
Групното силување ја шокираше Белгија, а полицијата ја продолжува истрагата.
