Два патнички авиони Боинг 737 учествуваа во несреќи на полетување и слетување во Сенегал и Турција, што покрена дополнителни прашања за безбедносната ситуација на производителот на авиони.
Во Сенегал, изнајмениот Боинг Б737-300 на Ер Сенегал се излизгал од пистата пред полетувањето рано во четвртокот на меѓународниот аеродром Блез Диањ во главниот град Дакар. На летот на Трансаир за главниот град на Мали Бамако имало 85 лица, меѓу кои двајца пилоти и четворица членови на кабината. Најмалку 10 лица се повредени, соопшти Министерството за транспорт на оваа африканска земја.
Фотографиите го прикажуваат леталото во тревно поле со оштетено крило, со отворени лизгалки за излез за итни случаи.
На видеата споделени на социјалните мрежи се гледа како левото крило гори. Авионот подоцна бил опколен со црвена и бела лента, објави Ројтерс.
Аеродромот беше затворен по несреќата, но по кратко време повторно беше отворен, соопшти операторот.
Втор инцидент во Турција за два дена
Во Турција, 190 лица, вклучително и шест членови на екипажот, беа безбедно евакуирани од Боинг 737-800 на Корендон ерлајнс, откако една од гумите на авионот пукна во четвртокот при слетувањето на аеродромот Газипаша во близина на медитеранскиот град Аланија.
„Корендон ерлајнс“ ги демантираше информациите на турските медиуми дека авионот, кој пристигнал од Келн, Германија, слетал на неговиот нос. Турското Министерство за транспорт и инфраструктура наведе оштетување на предната опрема за слетување на авионот.
Летовите беа пренасочени кон блискиот аеродром во Анталија додека авионот беше отстранет, соопшти Министерството.
Тоа беше втор инцидент на турските аеродроми во исто толку дена. Во средата, товарен авион „Боинг 767“ на „Федекс“ принудно слета на аеродромот во Истанбул, откако му откажал предниот алат за слетување. Никој не е повреден, а екипажот безбедно го евакуирал авионот.
Производителите обично не се вклучени во работењето или одржувањето на авионите откако се пуштени во употреба, но Боинг се најде под интензивна медиумска и регулаторна контрола по серијата инциденти кои ги вклучија неговите 737.
Во јануари, плочата на вратата на Боинг 737 Макс експлодираше за време на лет на Алјаска ерлајнс. Експлозијата во воздух уследи по две несреќи на 737 MAX во 2018 и 2019 година во кои загинаа 346 луѓе. Дополнително нарушувајќи го имиџот на компанијата, американските службеници за безбедност на воздухопловството во моментов истражуваат дали вработените во Боинг фалсификувале записи од инспекцијата за 787 Dreamliner.
Sénégal : L’aéroport de Dakar est fermé pour plusieurs heures après la sortie de piste au décollage d’un 737 de la compagnie Transair, faisant 11 blessés dont 4 graves.
Plusieurs vols sont déroutés, d’autres sont bloqués sur place, une enquête est en cours.(Communiqué) pic.twitter.com/H5Rlqvhsx1
— Neurone Intelligence (@NeuroneIntel) May 9, 2024
