Претседателот на Бугарија, Румен Радев после резултатите од изборите во Македонија, кажа дека многу брзо ќе стане јасно дали новоизбраната претседателка Гордана Силјановска-Давкова и партијата ВМРО-ДПМНЕ ќе работат за европската перспектива на земјата.
„Секогаш сум бил за европската интеграција на Северна Македонија, но во согласност со принципите за добрососедство и Копенхашките критериуми за членство. А, тоа би значело промена на Устав и почитување на правата на македонските Бугари“, вели Радев.
Тој додаде дека и натаму е неопходна ревизија на учебниците, почитување и заштита на бугарското културно и историски наследство.