Двојниот европски шампион во кревање тегови во категоријата до 85 килограми, Олександар Пјелешенко загина во војната против Русија на 30-годишна возраст, соопшти Украинската асоцијација за кревање тегови.
Пјељешенко беше европски шампион во 2016 и 2017 година, а на Олимписките игри во Рио де Жанеиро беше на дофат на медал, освојувајќи го четвртото место. Подоцна во 2018 година, тој беше суспендиран поради позитивен допинг тест.
Украинскиот олимписки комитет му оддаде почит на паднатиот спортист, наведувајќи дека тој им се приклучил на вооружените сили во првите денови од руската агресија.
„Од првите денови на сеопфатната инвазија, Олександр се приклучи на редовите на вооружените сили. Вчера ја добивме тажната вест за неговата смрт“, се вели во објавата. „Со голема тага ве известуваме дека денес престана да чука срцето на почесниот мајстор на спортот на Украина, двократен европски шампион во кревање тегови, Олександр Пиелишенко. Изразуваме длабоко сочувство до семејството и сите што го знаеја Олександр!“, се додава во соопштението.