Денеска седумдесет и девет годишниот Џејмс Барбие е обвинет за убиство на 18-годишна девојка која беше избодена повеќе од 120 пати во нејзиниот дом во предградието во Чикаго пред речиси шест децении. Барбиер беше уапсен во понеделникот во неговиот дом во Мисури и обвинет за убиство од прв степен, пишува АП.
Мртвото тело на Карен Снајдер го пронашол нејзиниот сопруг Пол Снајдер на 12 ноември 1966 година, откако доцна една ноќ се вратил во нивниот дом во Калумет Сити, Илиноис. Полицијата повторно го отвори случајот во 2022 година и испрати предмети од местото на настанот, вклучувајќи го и фустанот на жртвата и чаршафите обоени со крв, на тестирање.
Ослободен од затвор
Крвта се совпаѓа со ДНК на Барбие и тој беше екстрадиран во Илиноис по апсењето. Снајдер била убиена, додека нејзината двомесечна ќерка, која била во лулка, била неповредена. Барбие, кој работел на железничката станица со сопругот на жртвата, бил уапсен во 1966 година, но никогаш не бил обвинет.
Канцеларијата на јавниот обвинител соопшти дека Барбие бил ослободен во четвртокот, откако обвинителите не побарале да го задржат во затвор поради неговата возраст и „физичка слабост“. Сепак, му беше забрането да го напушти Мисури или Илиноис и мораше да ги предаде пасошот и огненото оружје.
Не е јасно дали Барбие има адвокат, но се знае дека го чека новото судско рочиште на 21 мај.
