Саудиските власти уапсија 19.662 лица за една недела поради кршење на прописите за престој, работа и безбедност на границите, објави саудиската агенција за печат.
Според официјалниот извештај, вкупно 12.436 лица се уапсени поради кршење на законот за престој, додека 4.464 се приведени поради обид за илегално преминување на границата, а други 2.762 за прашања поврзани со работата, објави Arab News.
Во извештајот се наведува дека меѓу 1.233 лица уапсени поради обид за илегален влез во Кралството, 65 отсто биле Етиопјани, 31 отсто Јеменци и четири отсто од друга националност.
Други 96 лица беа фатени во обид да преминат во соседните земји, а девет беа приведени поради нивната вмешаност во транспортот и криењето на насилници.
Министерството за внатрешни работи на Саудиска Арабија соопшти дека секој за кој ќе се утврди дека го олеснува нелегалниот влез во Кралството, вклучително и обезбедување превоз и засолниште, може да се соочи со казна затвор до 15 години, парична казна до 260.000 долари и конфискација на возила и имот.
