Дури 11 погодоци беа постигнати во првите два натпревара од полуфиналето на фудбалската Конференциска лига, минатогодишниот финалист Фиорентина на домашен терен го совлада Клуб Бриж со 3:2 (2:1), додека Олимпијакос како гостин ја победи Астон Вила со 4:2 (2:1).
Во Фиренца домашните поведоа со 1:0 и 2:1 со головите на Сотило (5) и Белоти (37) пред гостите да израмнат преку Ванакен (17-11м) и Игор Тиаго (63), но Фиорентина сепак во самата завршница ја искористи предноста од играч повеќе која ја имаа повеќе од половина час и преку Нзола (90+2) оствари минимална предност пред реваншот/
Во Бирмингем, Олимпијакос ѝ контрираше на Астон Вила и по половина час поведе со 2:0 преку Ел Кааби (17 и 29). Домашните израмнија со головите на Воткинс (45+1) и Дијаби (52), но Ел Кааби (56) со својот трет гол, овојпат од пенал, а Хеза (67) им обезбедија на гостите голема предност во пресрет на реваншот.
Реваншите се закажани за една едмица во Бриж одноно Пиреја, а се вкупните победници ќе се сретнат во финалето на 29 мај во Атина.
