Поранешниот американски претседател Доналд Трамп изјави дека е „прекрасно да се гледа“ како полицијата во Њујорк упадна во зградата на Универзитетот Колумбија, окупирана од пропалестински студенти, повикувајќи ги властите да ги спречат протестите во кампусот низ Америка.
„Њујорк беше под опсада минатата ноќ“, им рече Трамп, кој е републикански претседателски кандидат, на приврзаниците на предизборен митинг во Висконсин, пофалувајќи ги полицајците за апсењето на околу 300 демонстранти во Колумбија и Сити колеџот во Њујорк, кои ги нарече „бесни лудаци и симпатизери на Хамас“.
Некои членови на Републиканската партија ги обвинија универзитетските лидери за игнорирање на антисемитската реторика и малтретирање на пропалестинските протести низ Америка.
Трамп ја предупреди толпата на митингот дека нивните „градови и села ќе ги прифатат луѓето од Газа“, повикувајќи се на претходните медиумски извештаи дека администрацијата на претседателот Џозеф Бајден планира да прими бегалци од Газа во Америка.
Во средата, Трамп одржа митинзи во Висконсин и Мичиген, негови први големи предизборни собири откако започна неговото судење во Њујорк на 15 април под обвинение за фалсификување деловни документи со претставување на актерката од филмови за возрасни Сторми Даниелс преку неговиот адвокат, плати 130.000 долари за да ја спречи да зборува јавно за нивната наводна афера.
Висконсин и Мичиген се меѓу „поколебливите држави“ кои имаат одлучувачко влијание врз исходот на претседателските избори, а во кои Републиканската и Демократската партија имаат слично ниво на поддршка, па изборните резултати во нив не се предвидливи, пренесува Танјуг. .
