Турската полиција употреби солзавец врз демонстрантите за да ја прекине парадата на Меѓународниот ден на трудот на симболично важниот плоштад Таксим во Истанбул. На плоштадот се собраа илјадници демонстранти, а протестите траат со часови.
На снимката на турскиот Си-Ен-Ен се гледаат постапките на полицијата и тепачката што избила меѓу полицијата и демонстрантите. Безбедносните сили во неколку линии го блокираа патот кон плоштадот Таксим, а министерот за внатрешни работи Али Јерликај изјави дека се приведени 210 лица, пренесе индекс.хр.
На видеата се гледаат и демонстранти како ја тепаат полицијата и им ги кинат штитовите.
Властите вчера забранија собири и протести на плоштадот Таксим и опколија голема површина во центарот на градот со образложение дека тоа е направено од безбедносни причини. Плоштадот Таксим во центарот на Истанбул има симболично значење за синдикатите и за опозицијата.