Потпретседателот на ВМРО-ДПМНЕ и носител на листа во втората изборна единица, Владо Мисајловски истакнува дека капиталните инвестиции во Општина Ѓорче Петров се во наредна фаза.
Една од нив, посочува тој, е изградбата на ново фудбалско игралиште во ООУ „Димитар Поп Георгиев Беровски”.
-Ова место во дворот на училиштето кое беше запуштено сега прераснува во ново модерно фудбалско игралиште на кое жителите на Ѓорче Петров ќе можат да спортуваат и рекреираат, нагласува Мисајловски.
Во програмата „Платформа 1198”, додава тој, се предвидуваат 50 милиони евра директна помош за спортот и 250 милиони евра помош за општините со што ќе се изградат многу спортски игралишта, а воедно со тоа ќе ги стимулираме младите што повеќе да водат здрав и спортски живот!
