Третиот тенисер во светот и бранител на двоен шампион на АТП Мастерс 1000 турнирот во Мадрид, Шпанецот Карлос Алкараз, убедливо го победи Казахстанецот Александар Шевченко (АТП – 59.) со 6:2, 6:1 во својот прв меч по едномесечната пауза поради повреда на мускулот на десната подлактица.
Шпанецот потроши нешто повеќе од еден час за да стигне до третото коло, а во неговата игра не беше забележливо дека последниот меч го одигра пред еден месец на Мастерсот во Мајами.
Поради гореспоменатата повреда, Алкараз мораше да ги пропушти турнирите Мастерс 1000 во Монте Карло и АТП 500 турнирот во Барселона, каде што беше победник на последните две изданија.
Бразилецот Тиаго Сејбот Вилд (АТП – 63.) го чека најдоброрангираниот шпански тенисер во третото коло.
Во вечерниот дел од програмата мечот од второто коло ќе го одигра Борна Чориќ (АТП – 34.), а противник му е Германецот Александар Зверев (АТП – 5.).
