Во украинскиот град Дњепропетровск, Украинка се обидела да го продаде својот двегодишен син за 25.000 евра (еден милион гривни), но била приведена додека го предавала детето на жена, соопшти прес-службата на украинското државно обвинителство.
Во моментов се разгледува за притвор за мајката, а во тек се и низа истраги за утврдување на сите околности и лица инволвирани за поведување кривична постапка.
Наводно сакала да го продаде синот бидејќи тој ѝ го оневозможувал организирањето на личниот живот и повеќе не сакала да се грижи за него.
Судбината на нејзиниот двегодишен син се уште не е позната, објави украинскиот национален весник (УНН).