Иако Манчестер Јунајтед успеа да се пласира во финалето на ФА Купот, медиумите во Англија пишуваат дека мечот против Ковентри бил последната капка за сер Џим Ретклиф и дека тој решил да го замени Ерик тен Хаг на лето. Исрите медиуми додаваат дека веќе е познато кој ќе биде нов менаџер на клубот од „Олд Трафорд“.
Сер Џим Ретклиф го следеше судирот на „Вембли“ во кој неговиот тим водеше со 3-0, а потоа Ковентри дојде до 3:3 и дури постигна победничкиот гол кој беше поништен.
Јунајтед имаше повеќе среќа во пенал рулетот, но Ретклиф беше крајно разочаран од играта на тимот на Ерик тен Хаг и наводно го загубил трпението со холандскиот стручњак.
Англиските медиуми пишуваат дека Ретклиф одлучил дека е време да му се заблагодари на Тен Хејг за соработката и дека Холанѓанецот најпосле ќе си го добие заслужениот отказ.
Ретклиф сака да ги размрда работите на „Олд Трафорд“ и јасно е дека најдобар начин за тоа е да го смени менаџерот кој не се докажа премногу на клупата на „црвените ѓаволи“ во претходните две години.
Неофицијално на новиот ко-сопственик прва желба му е Томас Тухел кој на лето заминува од Баерн (М) и ќе биде слободен.
Тоа го потврди и новинарот на угледниот германски „Кикер“, Георг Холцнер, кој објави дека Ретклиф веќе имал разговор со Тухел и дека е многу заинтересиран германскиот стручњак на лето да ги преземе „црвените ѓаволи“.
Тухел веќе работеше во Англија каде менаџираше со Челзи и успеа на овој клуб да му ја донесе титулата европски клупски шампион. Ретклиф смета дека Германецот е вистинското решение и сега единствено прашање е дали ќе најдат заеднички јазик околу должината на договорот и платата.