Непозната хакерска група ја презеде веб-страницата на чешката новинска агенција и во вторникот објави лажна вест во која тврди дека има обид за атентат врз новоизбраниот словачки претседател Петр Пелегрини.

Чешката новинска агенција (ЦТК) соопшти дека хакерите ги објавиле лажните вести директно на страницата, што значи дека приказната не била дистрибуирана до клиентите на услугата. Текстот е повлечен, а ЦТК соопшти дека за се се информирани разузнавачките агенции и органите за сајбер криминал, пренесуваат регионалните медиуми.

Насловот на лажните вести за обидот за атентат тврди дека домашната разузнавачка агенција, безбедносно информативната служба (БИС), спречила обид за атентат врз новоизбраниот словачки претседател Петр Пелигрини.

Се додава дека фиктивниот обид за атентат на Пелегрини бил планиран од украински државјани. Како еден од сторителите, хакерската група го наведе Виталиј Усатог, вршител на должноста на Амбасадата на Украина во Прага.