Туристката Хуанг Лихонг (31) од Кина загина откако паднала во кратерско езеро во провинцијата Источна Јава во Индонезија во текот на викендот, објавија локалните медиуми.

Туристката снимала селфи со својот сопруг кога се лизнала и паднала во 75 метри длабокиот кратер Ијен во областа Банџуванги, објави „Компас“.

Туристичкиот водич кој бил со двојката, рекол дека отпрвин Хуанг стоела на околу 2-3 метри од работ на кратерот, но потоа се приближила за да направи подобра фотографија. Потоа почнала да се движи назад за да биде поблиску до дрвото со разголени гранки за да сними поубава позадина.

– Кога зачекори наназад, се сопна од долгото здолниште и падна во кратерот – вознемирено рекол водичот.

На спасувачите им биле потребни два часа за да го извлечат телото на жената.

Кратерот Ијен е дел од вулканскиот комплекс Ијен, кој е активно вулканско подрачје.

Turis Asal China Tewas Terjatuh ke Jurang Kawah Ijen Saat Berfoto #BNetwork https://t.co/2X97qR6RCs

— BeritaSatu (@Beritasatu) April 22, 2024