Јелена Ѓоковиќ синоќа блесна на доделувањето на спортските награди „Лауреус“ во Мадрид, рака под рака со сопругот Новак Ѓоковиќ, кој повторно ја доби оваа престижна награда за најдобар спортист.

Парот беше модно усогласен на црвениот тепих. Тие се појавија во црни модни комбинации – Новак облече црн костум со машна, а Јелена елегантен црн фустан кој ги откриваше нејзините раменици.

Јелена ги воодушеви сите со својот избор на фустан, дизајниран од српската модна дизајнерка Драгана Огњеновиќ, кој чини околу 500 евра. Покрај фустанот таа носеше дискретен, но скап накит, а косата ѝ беше во елегантна пунџа.

Како што пишуваат српските медиуми накитот кој Јелена го носеше е со потпис „Картие“, а цените на парчињата се вртоглави. Имено, ѓерданот има 71 дијамант од 7,98 карати и 142 дијаманти од 6,77 карати. Цената на официјалната веб-страница е 194.000 долари. Обетките што ги носеше се од истиот бренд како и ѓерданот, составен од 19 дијаманти од 1,64 карати и 10 дијаманти од 2,25 карати. Нивната цена е 78.500 долари. На раката носеше прстен чија цена е блиска до цената на обетките.

Единствено не се знае дали Јелена го купила овој накит или „Картие“ ѝ го дал да го носи, како што прават најголемите ѕвезди за престижни настани како Оскари, Греми и слично.

ВИДЕО | Јелена Ѓоковиќ искрено за родителството: Моите деца ќе имаат трауми