Планетарно популарен десерт: Сочен и брз колач без јајца
Речиси и да не постои човек кој не го пробал овој планетарно популарен колач. Ова е најдобриот рецепт за колачи за почетници, може секој да го направи, а доколку сте во потрага по колач кој сигурно ќе ви успее, за кој не ви требаат кулинарски вештини, ова е вистинскиот колач за вас.
Состојки:
– 1 шолја гриз
– 1 шолја ореви
– 1 шолја млеко
– 1 шолја шеќер
– 1/2 шолја масло
– 2 рендани јаболки
– 2 лажици брашно
– 1 ќесичка прашок за печиво
– 100 г суво грозје
– шолја е од 200 грама
Глазура:
– 150 грама чоколадо за готвење
– 25 грама маргарин
– 4 лажици млеко
– 4 лажици масло
Подготовка:
Во сад ставете ги сувите состојки, а во друг измешајте ги „течните“. Потоа течните додајте ги во сувите и убаво измешајте. Ставете во намрсена и со брашно наросена тава и префрлете во рерна загреана на 200 степени.
Печете околу 30 минути. Со чепкалка проверете дали е испечено тестото.
Испечениот колач префрлете го во чинија за служење и прелијте го со чоколадна глазура.
Колачот можете да го испечете и во калап 30х21 см покриен со хартија за печење. Иако ќе биде повисок, повторно ќе биде сочен.
Оревите може да се мелени или половина сечкани, а половина мелени – по ваш вкус.