Српскиот пејач Никола Роквиќ во понеделникот пеш тргна кон Грција во рамки на хуманитарна мисија. Тој реши да ја пешачи патеката долга 1.150 километри за да стигне до Егина, каде ќе му се поклони на Свети Нектариј Егински, а на Инстаграм претходно објасни како три години се подготвувал за овој потфат.
View this post on Instagram
„Само ќе ви откријам дека три години духовно и психички се подготвувам за овој потфат… Последниве неколку месеци дојде ред да се подготвам и физички… Ќе дознаете многу брзо. напиша тој на крајот на март.
View this post on Instagram
Тргна на патување од „љубов кон луѓето“
„По овој пат решив да тргнам од љубов кон луѓето, се надевам дека тоа ќе биде на радост и помош на многумина, пред се за да им помогнам на многу семејства и деца, но најважно, да им помогнам на болните деца заради кои тргнав по овој пат“, изјави тој, додавајќи дека тој и неговата сопруга Бојана ја основале фондацијата „Семејство“, која ќе им помага на семејствата на талентираните и болните деца.
„Сонцето денес грее со причина“, напиша неговата сопруга Бојана на Инстаграм, но не сакаше да открие детали од неговиот план.
View this post on Instagram
