Преговорите напредуваат, Рангник би можел да биде нов тренер на Баерн
Баерн Минхен до крајот на неделата би можел да го објави својот нов тренер, пренесуваат германските медиуми. Фаворит за замена на Томас Тухел е Ралф Рангник, кој во моментов е селектор на австриската фудбалска репрезентација.
Двете страни веќе се во разговори и се чини дека договорот е сè поблиску.
До неодамна се сметаше дека постои голема пречка за 65-годишниот за работа на Алијанц Арена поради недоразбирањето со Ули Хенес, но се чини дека односите се добри.
Баерн ќе мора да плати надомест на Фудбалската федерација на Австрија за да потпише со Рангник по завршувањето на ЕП 2024. Рангник има договор со Австријците до 2026, но во Минхен се оптимисти дека ќе постигнат договор.
Во наредните денови е закажан состанок на директорите на Баерн на кој сериозно ќе се разговара за ситуацијата со назначувањето наследник на Тухел кој си заминува на крајот од сезоната.
Things are getting serious between Bayern and Ralf Rangnick. Contact has already been made – and it will now be intensified and ideas will be exchanged. If all goes to plan, the new coach could be finalized this week. Uli Hoeneß and Rangnick have had a dispute in the past, but… pic.twitter.com/p7TDca3o4E
— Bayern & Germany (@iMiaSanMia) April 23, 2024