Бугарскиот новинар Димитар Стојанов од Bird.bg доби 24 часа притвор. Тој вчера бил вмешан во скандал во кој извадил пиштол и го вперил кон државен службеник од Националната агенцијата за приходи (НАП), пишуваат бугарските медиуми.

Жртвата поднела пријава во полиција, а бугарското МВР објави снимка од безбедносни камери на која се гледа дека Стојанов го извлекува и го вперува оружјето.

Инцидентот се случил во населбата „Хаџи Димитар“ во главниот град на Бугарија.

Вчера, пак, Стојанов на социјалните мрежи опишува сосема друга приказна.

„Дури и кога купувате мирно, секогаш има некој кретен што ќе ве нападне затоа што купувате во продавница што не ја сака. Ако не се исплашите, тој ќе побегне, а потоа ќе ве нападне во грб, те тепа како лута жена и ќе ти објасни како ќе те убие, уште се прашувам дали е провокација или идиот“, напиша Стојанов на Фејсбук.

„Новинарот на БИРД Димитар Стојанов е приведен од Министерството за внатрешни работи по поплака на службеник на НАП. Ова се случува додека истражуваме како зетот на министерот Калин Стојанов, функционерот на НПА, Георги Шурелов, избега од правдата откако беше уапсен за рекетирање. Нешто е нејасно?“, напиша кусо медиумот во кој работи Стојанов.