На 6 и 7 април во Анкара се одржа мандонски фестивал на кој учествуваше и „Мандолинскиот оркестар“ – Скопје, под диригентската палка на Рамадан и Ерхан Шукри.

-Нашиот подмладен оркестар на возраст од 12-17 годишна возраст беа ѕвезди на фестивалот во Анкара на кој учествуваа 30 оркестри. Беа поздравени со огромен аплауз и со овации на нога беа исптратени од сцена. Иако минутажата беше ограничена бевме единствен оркестар кој беше двапати вратен на бис, и тоа лично од директорката на фестивалот г-ѓа Серпил Диндар Озјуксел. Честитки до нив за одличната организација. На наше огромно задоволство на нашиот настап присуствуваше и нашиот амбасадор, г-динот Манасиевски со кого остваривме и срдечна средба, горд на нашето презентирање на нашата држава во Анкара, вели Ерхан Шукри.

Фестивалот се одржа во салата на познатиот музичар Муса Гочмен кој заедно со многу познати музичари кои беа присутни на нашиот настап дадоа највисоки оценки за нашиот оркестар.

-Нашиот мандолински оркестар доживува нова ренесанса и се надеваме дека ќе бидеме иницијатори и потикнувачи повторно да се врати мандолината насекаде во цела наша Македонија. Мандолинското музицирање е од национален интерес за нашата држава и преставува културен идентитет на Македонија. Македонија треба да е горда што има во свои раце, додава Шукри.