Рецепт за домашни пирошки со шунка и сирење, повкусни не сте пробале!
Пирошките можете да ги наполните со различни состојки, а денешниот рецепт е за меки пирошки со сирење и шунка.
Состојки:
– 500 грама брашно
– 25 грама квасец
– 2 дл млако млеко
– 1 лажиче шеќер
– 2 компири
– 50 грама маргарин
– сол
– 2 јајца
– 150 грама шунка
– 200 грама сирење
Подготовка:
Компирите се мијат и лупат, па се варат во солена вода. Откако ќе се сварат, се цедат и пасираат со малку сол.
Се соединува млекото со шеќерот, малку брашно како и квасецот во еден сад, па се меша и се остава да надојде.
Се става половина од брашното со јајцата, па компирите и маргаринот, а потоа се додава и квасецот кој стасал.
Се додава и преостанатото брашно и се меси со раце.
За филот – исечете ја ситно шунката и издробете го сирењето.
Тестото расукајте го, ставете од филот и сечете правоаголници, па залепете ги краевите.
Пирошките пржете ги во масло.
