Првиот натпревар од серијата помеѓу Лос Анџелес Клиперс и Далас помина во знакот на Клиперс кои славеа победа со 109:97 и така поведоа со 1:0.

Конечниот резултат не е реална слика на она што се случуваше на теренот. Домаќинот можеше да слави и поубедливап обеда бидејќи почнувајќи од втората четвртина постојано имаа убедлива предност. Во третата четвртина таа предност изнесуваше и 29 поени разлика.

Далас во последната четвртина која ја доби со 33:22 успеа да се избори за достоен пораз.

На гостите не им помогна и доброто издание на Дончиќ кој постигна 33 поени, Ирвинг уфрли два помалку. Клиперс беа силни колективно, а најдобри беа Џејмс Харден со 28 поени и Џорџ со 22. Успеаа да победат и без услугите на Кавај Ленард.

За истакнување од серијата е што сите осум екипи кои беа домаќини успеаа да слават победи во првите мечеви.

РЕЗУЛТАТИ
Бостон – Мајами 114-94
ЛА Клиперс – Далас 109-97
Милвоки – Индијана 109-94
Оклахома – Њу Орлеанс 94-92