Кралицата Елизабета Втора доживеа длабока старост и е на врвот на листата на „најдолго“ владејачки монарси. Живееше 96 години, а денес ќе наполнеше 98. Она што можеби е помалку познато е дека кралицата Елизабета Втора славела – два родендени.
Имено, таа го славеше вистинскиот роденден на 21 април, додека вториот официјален роденден вообичаено беше резервиран за втората сабота во јуни, пишува „Royal.uk“.
Зошто кралицата славеше два родендени?
Официјалните прослави за одбележување на роденденот на кралот и кралицата честопати се одржувале на друг ден од вистинскиот роденден, особено кога вистинскиот роденден не бил во лето. Кралот Едвард VII, на пример, е роден на 9 ноември, но неговиот официјален роденден се славе во мај или јуни кога имало поголеми шанси времето да биде добро за роденденска прослава.
Така, кралицата обично го поминувала својот роденден приватно, но приликата беше означена јавно со топовски поздрави од Хајд парк, дворецот Виндзор и од Лондонската кула.
Потоа, во 2006 година, беше направен преседан кога кралицата на британската монархија одеше по улиците пред замокот Виндзор за да се сретне со добронамерници за нејзиниот 80-ти роденден. На нејзиниот официјален роденден, ѝ се придружуваат и други членови на кралското семејство во парадата наречена „Trooping the Color“.
Кралицата секогаш избираше облека со светли бои за нејзините јавни настапи, така што дури и оние кои не и се во близина можат да кажат дека ја гледаат.
