Фудбалерите на Интер Мајами се вратија на победничките патеки, откако синоќа во МЛС лигата го победија Нешвил со 3:1. Блескаше Лионел Меси, двоен стрелец и асистент при вториот гол на Серхио Бускетс.

Gостите поведоа во втората минута кога Негри си постигна автогол. Но, Интер Мајами брзо се врати, во 11 минута Меси реагираше на одбиената топка по обидот на Луис Суарез за 1:1.

Во 39 минута Меси му асистираше на својот поранешен соиграч од Барселона, Бускетс, за пресврт (2:1). Конечните 3:1 повторно ги постави Меси во 81 минута од пенал.

Интер Мајами сега е лидер во Источната конференција со 18 бодови, но има и меч повеќе од Њујорк Ред Булс.

Исто така, Меси се искачи на второто место на листата на стрелци со седум гола, еден повеќе од Аранго од Солт Лејк.