Леброн: Јокиќ е еден од најголемите кошаркари во историјата
Ѕвездата на Лос Анџелес Лејкерс, Леброн Џејмс истакна дека според него Никола Јокиќ е еден од најдобрите кошаркари во историјата.
Оваа изјава Леброн за американските медиуми ја даде пред првото коло од плеј-офот во кое неговиот Лејкерс ќе се сретне со актуелниот шампион предводен од српскиот центар.
„Јокиќ е еден од најдобрите кошаркари кои ја играле оваа игра. Тоа е јасно и едноставно“, изјавил Леброн по тренингот во Бол арената во Денвер.
Првиот натпревар помеѓу Денвер и Лејкерс ќе биде одигран во недела од 02:30 часот во Бол арената. Серијата како што е познато се игра до четири победи.
„Јокиќ прави се на теренот, но најважно е што ги мотивира соиграчите и го менува нивното размислување за играта. Кога сте во можност да ги инспирирате соиграчите да играат на ниво на кое и самите не веруваат дека можат тоа е доказ дека сте голем играч“, истакна Џејмс.