ВМРО и Мицкоски официјално прогласуваат коалиција и со партијата Левица на Апасиев и ЗНАМ на Димитриевски, две партии тесно поврзани со Москва и разни проруски кругови, а познати по своите антиалбански позиции, обвини „Европски фронт“ коалицијата предводена од ДУИ.

Оттаму го коментираат настапот на Христијан Мицкоски на митинг во Охрид кој побара македонско национално единство – и повика на запрат нападите кон ЗНАМ и Левица и толкуваат дека сакал влада без други етникуми во државата.

„Европскиот фронт го потсетува Мицкоски дека Македонија од поодамна го изоде патот на рамноправност, демократија и членство во големото европско семејство. ДУИ и Европскиот фронт, како мултиетнички фронт во Македонија, нема да дозволат земјата да се врати во меѓународна изолација, а тоа ќе биде запечатено на 24 април и 8 мај, кога за претседател ќе биде избран д-р Бујар Османи, а Европскиот фронт ќе биде клучот за формирање на идната Влада. Истовремено, ја повикуваме албанската опозиција да се освести и да се престрои со про-европејците и да не стане орудие на руските кругови во земјава“, велат од Европски фронт.