На реванш четвртфиналниот натпревар од Конференциската лига против Лил, голманот на Астон Вила, Емилијано Мартинез доби два жолти картони и не беше исклучен, а никој во студиото на „Скај Спортс“ не знаеше за специјалното правило.

Емилијано Мартинез ја предводеше Астон Вила до полуфиналето на Конференциската лига. Тој одбрани два пенали во пенал рулетот и му помогна на тимот да го исфрли францускиот Лил. Таму еден негов потег предизвика целосен шок во фудбалскиот свет. Тој доби втор жолт картон во пенал серијата, но остана на теренот.

Зошто? Поради едно посебно правило кое ретко се применува. Поточно, малку луѓе знаат за тоа. „Предупредувањата и картоните доделени на играчите и членовите на тимот за време на натпреварот не се пренесуваат во пенал-рулетот“ – стои во правилникот.

Why was Emi Martinez allowed to stay on the pitch for Aston Villa's Penalty shootout despite being booked twice? 🟨🟨 pic.twitter.com/vZsfKGyEva

— Sky Sports News (@SkySportsNews) April 19, 2024

Така Мартинез максимално го искористи тоа правило, провоцираше, се расправаше со навивачите, направи вистински хаос, сè за да му помогне на својот тим и на крајот тоа се исплатеше. Знаеше што може да направи и дека втор жолт картон нема да го елиминира од натпреварот. За разлика од него, многумина тоа не го знаеја ниту во преносот.

Така на „Скај спортс“ беше објавено видео на кое се гледа дека за време на преносот луѓето во студиото не знаеле за ова правило. Почнаа да викаат и да се чудат зошто не е исклучен: „Исклучен е, исклучен. Не, остана на теренот. Му кажаа ли нешто на судијата? Не доби црвен…“, беа коментарите за време на преносот.