ВИДЕО: Лос Анџелес лејкерс е ривалот на Денвер во НБА плеј-офот
Актуелниот шампион во НБА лигата, тимот на Денвер го дозна противникот во плеј-офот од Западната конференција.
Ривали на Нагетси ќе им бидат кошаркарите на Лос Анџелес лејкерс кои на гостински терен во плеј-ин го совладаа Њу Орлеанс пеликанс со 110:106.
Во победничките редови Леброн Џејмс постигна 23 поени, запиша и по девет скокови и асистенции. На спротивната страна Зајон Вилијамсон доминираше со 40 поени, 11 скокови и пет асистенции.
Потсетување дека ќе се игра на четири победи по принципот 2-2-1-1-1. Денвер минатата година ги совлада Лејкерси со 4:0 во победи конференциското финале.
Пеликанси ќе имаат уште една шанса да се најдат во плеј-офот, ќе играат против Сакраменто кингс кој со 118:94 го елиминираше Голден Стејт вориорс.
Победникот од мечот Сакраменто – Њу Орлеанс во плеј-офот ќе се соочи против првопласираната екипа од Западот, Оклахома Сити тандер.