Рецепт за лажна пита со тиквички, пиперка и печурки
Рецептите за лажни пити сè почесто можете да ги најдете на социјалните мрежи и на Јутјуб, од причина што се превкусни, поради што станаа многу популарни. Нивната подготовка е многу едноставна, а состојките се главно евтини. За подготовка на лажна пита можете да користите зеленчук, шунка, сирење… а наместо кора, се прелива со смеса од јајца и брашно. Денеска ви пренесуваме совршен рецепт за лажна пита што се прави со тиквички, пиперки и печурки и сигурни сме дека ќе ви се допадне.
Состојки:
– 4 тиквички
– 2 виолетови главици кромид
– 1 морков
– 2 пиперки
– 7-8 печурки
– малку босилек
– 2 чешниња лук
– 3 јајца
– 300 мл млеко
– 30 мл маслиново масло
– 5 лажици брашно
– 1 ќесичка прашок за печиво
– 1/2 китка мирудија
– 70 грама тврдо сирење
Подготовка:
Во сад ставете ги тиквичките кои сте ги исечкале на тенки ленти, па посолете. Оставете ги да отстојат околу 15 минути, а потоа процедете го вишокот вода. Во тава со малку маслиново масло пропржете го виолетовиот кромид исечен ребресто. Кога ќе омекне, додадете го морковот исечкан на кругови, а потоа и ситно сечканата пиперка. Кога зеленчукот ќе омекне, додадете ги исечканите печурки. Посолете, побиберете, посипете босилек и сè убаво измешајте. На крајот, додадете сечкан лук, покријте и динстајте околу 7 минути.
Изматете ги јајцата кои претходно сте ги посилиле, а потоа сипете млеко. Потоа сипете маслиново масло, а потоа додадете го просеаното брашно со прашокот за печиво. Сè убаво измешајте и на крајот додадете ја сечканата мирудија. Во плех обложен со хартија за печење наредете го испржениот зеленчук, а потоа прелијте го со преливот. На крајот, додадете ги процедените тиквички, па убаво измешајте. Сипете го преливот и повторно сè добро измешајте.
Посипете ја питата со рендано сирење, па печете во загреана рерна на 180 степени околу 40 минути.