Дикаприо и Скорсезе ќе работат заедно на нов филм: Актерот ќе го глуми Френк Синатра
Откако доби 10 номинации за Оскар за филмот „Убијци на цветната месечина“, 81-годишниот режисер Мартин Скорсезе ги зацрта своите следни проекти. Извори велат дека тој планира да сними два филма еден по друг: првиот за Исус, вториот – биографски филм за легендарниот пејач Френк Синатра.
Како што пишува „Вараети“, познатиот актер Леонардо Дикаприо ја добил главната улога со која ќе го портретира Френк Синатра.
Улогата на Ава Гарднер и припадна на Џенифер Лоренс, со која Дикаприо соработуваше на филмот „Не гледај нагоре“.
Од друга страна, Дикаприо и Скорсезе соработуваа на повеќе филмски остварувања. Ова дуо е еден од најплодните актерско-режисерски парови, зад нив се филмовите како „Бандите на Њујорк“, „Авијатичарот“, „Покојните“, „Островот Шатер“ и „Волкот од Волстрит“. Нивниот последен филм, „Убијци на цветната месечина“, беше номиниран за 10 Оскари.
Веста за биографскиот филм на Френк Синатра беше дочекана со ентузијазам од обожавателите кои коментираа на социјалните мрежи дека „Дикаприо е одличен избор за улогата на Френк Синатра“.
Даската на која лебдеше Кејт Винслет во „Титаник“ е продадена на аукција за 718.750 долари