Денеска во првиот натпревар од осминафиналето во ракометната Лига на шампионите во унгарската пресметка Веспрем славеше на гости против Пик Сегед со 37:30.

По првото полувреме ракометарите на Веспрем имаа три голови предност од 20:17, иако неколку пати доаѓаа и до „плус шест“ позитива.

Во победничките редови по седум пати во листата на стрелците се запиша Дескат и Ваилупау. На спротивната страна шест погодоци беа дело на Фримел, а пет постигна Гарсиандиа.

Потсетување дека победникот од овој двомеч во четвртфиналето ќе игра против данскиот Алборг.

Поблиску до четвртфиналната фаза е и екипата на ПСЖ која во Полска триумфираше со 30:26 над Висла Плоцк. Во победата најмногу придонесоа Шипжак и Пранди со по осум голови, а за поразените најрасположени со четири беа Зарабец и Крајевски.

Доколку францускиот тим ја одбрани предноста пред своите навивачи, за пласман на Ф4 турнирот ќе игра против Барса.