Ние не сакаме нашиот граѓанин да го продаваме како евтина работна сила, заврши таа ера во 2016 година. Затоа сметаме дека треба да бидат достоинствени и минималните примања и просечните плати. Во сите наши анализи се покажува дека тоа е реално остварливо, а ниту приватниот ниту јавниот сектор нема да трпи од таквото зголемување, вели Фатмир Битиќи вицепремиер за економски политики во Владата на СДСМ во интервју за „Слободен печат“.

-Кога зборуваме за платите велиме дека минималната плата во државата веќе во 2028 ќе биде на ниво од 600 евра и тоа е нешто што сметаме дека е квантен скок што ќе донесе навистина праведен и солидарен начин на вреднување на трудот во државата. Но при тоа одиме уште еден чекор понатаму и велиме со влезот во ЕУ минималната плата ќе биде 800 евра- вели Битиќи.

Според Битиќи, тоа ќе се случи првите две години од влезот во ЕУ, односно 2029 и 2030, во зависност од тоа која година ќе влеземе во ЕУ. Предвидувањата на СДСМ се дека тоа ќе се случи 2030.

-Тоа не може никој да не спречи освен опозициската ВМРО ДПМНЕ- вели Битиќи.

Овие предвидувања се однесуваат и на просечната плата која ќе биде 1100 евра во 2028, уверува вицепремиерот Битиќи.

-Тоа се истите анализи со кои во 2020 предвидовме дека просечната плата во 2024 ќе биде 34000 денари. Таа денес е 40 000, иако годината не е сè уште завршена. Затоа велиме дека при самиот влез во ЕУ просечната плата ќе достигне 1300 евра. Тоа е нешто што секој граѓанин го заслужува да го добие. Разликата меѓу нас и ВМРО ДПМНЕ е што ние ветувањата ги испорачуваме во пракса- вели Битиќи.“

Зголемувањето на платите треба да се случи и во приватниот сектор. Тој ги потсетува и стопанските комори и опозицијата дека заради нив во Собранието е бликран законот со кој се овозможува пораст на платите во приватниот сектор од 3000-9000 денари месечно, при тоа целосно ослободени од придонесите.

Во однос на помошта кон домашните компании Фатмир Битиќи вели дека од нула поддршка на домашните компании в 2016 денска се исплатени 100 милиони евра поддршка на домашните компании, а ќе бидат 180 милиони евра во наредниот период. Тие компании за четири години имаат искреирано 5000 работни места и уште толку ќе искреираат во наредните 4 години.

Целото интервју погледнете го во продолжение: