Штрајк на вработените во „Аустријан ерлајнс“, откажани и летовите меѓу Виена и Скопје
Вработените на авиокомпанијата „Аустриан ерлајнс“ од денеска почнуваат да штрајкуваат поради спор околу платите. Како што е најавено, штрајкот ќе трае до утре.
Поради штрајкот, откажани се и летовите од Виена до Скопје и обратно.
На официјалната веб-страница на Меѓународниот аеродром Скопје не се ставени ниту полетувањата, ниту слетувањата со оваа авиокомпанија.
Поради штрајкот глобално откажани се околу 400 летови и засегнати се околу 50.000 патници.
Во текот на овие два дена оваа авиокомпанија требаше да реализира 24 лета од Виена до градовите во поранешна Југославија вклучувајќи летови до Белград, Сараево, Загреб, Приштина, Скопје, Подгорица, Дубровник и Сплит.